လေးကိုင်းက လွတ်ထွက်သွားတဲ့ မြှားတစ်စင်းမှာ
ရင်တမမ ဖြစ်ရခြင်းတွေ ဘယ်လောက်ပါမလဲ
မြှားဦးက ရင်ဝတဲ့တဲ့ လာမှန်တယ်။
ခေါင်းလေး မော့ပြီး စကားပြောတဲ့
လည်တံရှည်ရှည်လေးမှာ
မေးစေ့လေးက ချွန်တယ်
ပါးလေးက မို့တယ်
နှာတံလေးက စင်းတယ်
နှုတ်ခမ်းလေး ပါးတယ်
လှုပ်ခါသွားတဲ့ ဆံနွယ်လေးမှာ
စိတ်ကူးတွေနဲ့ တွဲခိုစီးလိုက်တယ်
တစ်ချက်တစ်ချက် ပေါ်လာတဲ့
နားရွက် ဖြူဖြူလေးကို အိပ်မက်လိုက်တယ်
အသံလွင်လွင်မရယ်တတ်တဲ့ သူ့အပြုံးလေးမှာ
ပါးချိုင့်လေးနှစ်ဖက် ဖျက်ကနဲလင်းတယ်။
မျက်ဝန်းနှစ်ခုကြား အကွာအဝေးလေးပါပဲ
ကမ္ဘာကြီးတစ်ခုလုံး ရုတ်တရက် ကြွေကျသွား
သောက်လက်စ စီးကရက်လေးလဲ
တ ေ ငွ့ ေ ငွ့ နဲ ့ ပြာ ကျ သွာ း ။
ညီမင်းဝေ
No comments:
Post a Comment