ဘဝရဲ့ ပြီးပြည့်စုံခြင်း အမှန်တရားမှာ
သားတို့ လက်တွေ
ခုချိန်ထိ မဆုံဖြစ်ကြဘူး။
အလင်းသစ်တွေ
အမှောင်ထဲက မွေးဖွားလာကြတာတောင်
စားပွဲဝိုင်းလေးဆီက ရယ်သံတွေဟာ
ဖျားနာနေတဲ့ ဝါကျတွေလို
ဖြစ်တည်လာမှု က
လောဘနဲ့ မီးဟုန်းဟုန်း တောက်နေတဲ့ အပင်လို
ဘယ်သံစဉ်တွေက ငြှိမ်းသတ်ပေးနိုင်မှာလဲ။
သစ်ရွက်လေးတွေ
လေညင်းနဲ့အတူ တေးဆိုကြရင်
ပိတောက်ပင် အရိပ်လေးဆီက အအေးဓါတ်ကို
သတိရမိတယ်။
တန်ဖိုးကို ဈေးနှုန်းမကပ်ရုံလေးပါပဲ
ကိုယ့်ဘဝကို ရောင်းတန်းဝင်ဖို့
အောင့်အောင့်ပြီး အသက်ရှုရတာလဲ မောလှပြီ
ကျောက်စရစ်ခဲလေးတွေ
မြေပြင်နဲ့အတူ ပွတ်တိုက်ဆော့ကစားကြရင်
ဒိုးပြားလေးတွေဆီက လွတ်လပ်မှုကို
တမ်းတမိပြန်တယ်။
နွေးထွေးမှုဆိုတာ
ခွဲခွာခြင်းတွေ တဖျောက်ဖျောက်နဲ့
လောင်ကျွမ်းပြီးမှ ရတဲ့အရာမျိုး
မေမေ့ပါးလေးတွေ
ဖေဖေ့အကြင်နာတွေနဲ့ နူးညံ့သွား
ဖေ့ဖေ့လက်ဖျားလေးတွေ
မေ့မေ့မေတ္တာတွေနဲ့ နွေးထွေးသွား
အချိန်တွေက လှိုက်စားနေဆဲမို့
ဘဝတွေကို နောက်ချန်ထားခဲ့ပေမယ့်
ညီမလေး ဖုန်းသံထဲက
မိသားစုဆိုတာကို
သားလေ
အခု လွမ်းလွန်းလို့ပါ မေမေ။
ညီမင်းဝေ
No comments:
Post a Comment